Aýdyň ar-namyssyz ýigde,
Bu gün onuň zamanydyr.
Ýygsyn Karun kibi mallar,
Hazyna boş − döwranydyr.

Ah, neýleýin, bagtym gara,
Ýürek, bagrym boldy para,
Arzym aýdyň söwer ýara,
Bu derdimiň dermanydyr.

Çaşdy gyzykly bazarym,
Artdy gün-günden azarym,
Kesmez boldy şul nazarym,
Alnynda dag dumanydyr.

Ýowuz perzent − roýun, görüp,
Gelip men Hywadan ýörüp,
Çöl içinden bedew sürüp,
Geldim, Hakyň permanydyr.

Magtymguly, derdiň aýan,
Baryn ajap kyldyň beýan,
Diliň ýyg sen, bardyr zyýan,
Akyl onuň haýranydyr.