Eý, ýaranlar, musulmanlar,
Ýüregimde dert iňňildär.
Bir baý oglunyň elinde,
Sadranç oýnap, nert iňňildär.

Gelip-gitme mundan namart,
Aklyň çaşar, bolarsyň mat,
Belent dagda ýakarlar ot,
Gury ýanyp, öl iňňildär.

Gyz gördüm türkmen göçünde,
Müşk-u-anbar bar saçynda,
Ýaýlada, ýylky içinde,
Boz gulan taýlar iňňildär.

Magtymguly, sözüm hakdyr,
Hak söze ten beren ýokdur,
Goç ýigitde ogul ýokdur — 
Ojak ýitip, ýurt iňňildär.