Namut eken nazarym,
Gördi iki helalan.
Janym rahatyn aldy,
Ondan husny-jemalan.

Bar ondan ägä boldy,
Özüni yrak saldy,
Eşk gözden rowan oldy,
Göýä degmiş mugylan.

Muttasyl eşkim akyp,
Goýmaz görere bakyp,
Nebsim hüýüne çekip,
Yhlasymdan ýalanan.

Röwende-ýu aýende,
Zyban seni guýende,
Mydam olup juýende,
Dil seniň çün nalanan.

Yşk hanjaryn eýläp tiz,
Olup sen ýene hunriz,
Tapman onuň-le hergiz,
Şemmeýi ez wysalan.

Pikr ile pany boldy,
Gurbatda haýran galdy,
Yşkyň goşuny saldy,
Aklym mülküne talan.

Magtymguly, şeb-u ruz,
Jan güdaz-u ýürek suz,
Bul sebäpden berf-u buz,
Bagra basar suw alan.