Owwal başda, Kadyr Alla,
Senden bir kerem  
Badam gabak, alma ýaňak,
Bir zyba senem islärin.

Taňry bermese, nädeli,
Baş alyp, kaýda gideli,
Oturşy-turşy edaly,
Gaşlary galam islärin.

Özüne hormat getiren,
Ärniň hyzmatyn bitiren,
Gaş-gabak çytmaý oturan, 
Maňlaýy gülen islärin.

Ýigrimi ýaş ötdi menden,
Hezl etmedim, dünýä senden,
Dili süýji, lebi handan,
Bir goýna salan islärin.

Gul Magtym, geldim jahana,
Bir ýar bergil akly dana,
Duşdum üm bilmez nadana,
Bir gadrym bilen islärin.