Turgul, Jebraýyldan habar soraýyn,
Ne sebäpdir, gözel ýarym görünmez?
Telmuryp gapyňa günde baraýyn, 
Ähti-peýman − ol ykrarym görünmez.

Pelek asyýasyn bikarar kylmyş,
Namysdan daş düşüp, Hakdan uýalmyş,
Ýigitler gojalyp, goja ýigt bolmuş, 
Çyragym öçüpdir, narym görünmez.

Bahyllar mert bolup, geda şa bolup,
Mertler namart bolup, pir dinden galyp,
Azanlar kesilip, metjit ýapylyp,
Hakdan özge bir azarym görünmez.

Magtymguly aýdar, bu ne hekaýat,
Il bary «alymdyr», tutmaz nesihat,
Asmandan inipdir zemine apat,
Isa, Mäti, Mälik Aždar görünmez.