Bir säher düşmüş erdi ýadyma diýar, eý, dost,
Jan güwşüne ýetişdi binägäh habar, eý, dost.

Ten mülküniň içinde jan durdy perwaz eýläp,
Şowk ile ede nägäh özüni nisar, eý, dost.

Sabrym sefinesini syndyrdy şowkuň sili,
Derýaýy-umman saldy matagy-karar, eý, dost.

Ýar wasly-jemalyndan her du jahan ki kämýap,
Bagtym müşterisine gurawer bazar, eý, dost.

Ähli älem gark olmuş harman-harman gül içre,
On ýyl ýörsem ugraşmaz, alnymdan bahar, eý, dost.

Hoş bakmyş jahan içre, hoşlanmyş älem ondan,
Älemde adam içre maňadyr gahar, eý, dost.

Pyragy, göz ornundan ýyglap gan rowan oldy,
Ornuna elter ony, ger degse gubar, eý, dost.